Keppnistímabilinu lokið - Minni á uppskeruhátíðina á sunnudaginn!

Sæl verið þið!

Bæði árin hafa nú lokið þátttöku sinni í haustmótinu og stóðu allir sig með sóma. Eins var gaman að sjá hvað margir mættu í Laser tag í loka"slúttið" og skemmtu sér vel, en alls mættu 50 strákar í Kópavoginn.

Núna er keppnistímabilinu formlega lokið og hefst nýtt tímabili 1. október.
Þeir sem voru á eldra árinu færast núna á yngra árið í 5. flokk og yngra árið færist yfir á eldra árið í 6. flokk.

Ég vil nota tækifærið og þakka öllum fyrir samstarfið á tímabilinu og óska sérstaklega eldra árinu góðs gengis þar sem ég kveð þá sem þjálfari.

'99 árgangurinn losnar ekki við mig strax  þar sem ég verð áfram þjálfari 6. flokks á næsta tímabili.

Minni síðan á uppskeruhátíð yngri flokkanna sem fram fer á Broadway næstkomandi sunnudag frá kl. 13:00-15:00. Foreldrar eru vinsamlegast beðnir um að koma með bakkelsi með sér á hlaðborðið eins og venja hefur verið.

Bestu kveðjur

Eysteinn Pétur